مسايا عضاوات
الحئيئة أنا مشغول هالفترة بس أنا وعم افتح النت من موبايلي لقطت هالموضوع بأحد المنتديات وحبيت انقلوا لعنا ومتعكن بهالكلمات العذبة
بسم الله نبدأ مع القصيدة الأولى


حوا مافي إلها حل ... إلا إنو تطنشها
حوا متلا متل الظل ... بعد عنها واتركها
خليها ملتاعة شوي ... عم تندب من حسرتها
ولاحظ بعدا كيف بتصير ... بتغير من رغبتها
وبتغيرب شغلات كتير ... من نفسا وشخصيتها
وبتقلك حاضر تكرم ... وبتورجيك محبتها
بتطيرلك عاصافير ... بتفرش قدامك خدها
يا آدم أوعاك تحن ... لازم تعرف شو بدها
وما لازم ترخي إلا ... للضرورة وحكمتها
هيدي مني نصيحة ... لعيونك عم قدمها
:
:
يتبع

القصيدة التانية


شوفوا حوا لما تفيق ... من نوماتا ضهرية
شعرا منكوش وشكلا ... وكأنو سيريلانكية
وعيونا عم بتمعمص ... ونفسيتا سماقية
أحمض من حمض الليمون ... بل أحمض منو شوية
ولولا الحمرة والمكياج ... منن بتحط وقية
ولولا الكحلة والبلياج ... وصبغة شعرا الروسية
وعطرا المستورد ياخال ... واللبلوزة الزهرية
والجينز الأزرق يايوب ... والضحكة الصيناعية
مالك قدرة تنظرها ... أو تهضم هالنفسية
يحرء حاريشا حوا ... حرباية استوائية
:
:
يتبع

القصيدة التالتة


يا حوا مانك قدي ... وما بيطلعلك تتحدي
صفي حنتورك عالزيء ... ومن جنبي أوعا تعدي
ضبي غراضك يالله باي ... قومي فوراً من حدي
وخليكي حبابة شوي ... حاجة تصدي وتردي
وشيلي من راسك فكرة ... إنو غيرك ما عندي
وإني ماعم إغضر نام ... حتى ترضي وتتهدي
نحنا مافي عنا كبير ... وما منعتازك يا بعدي
نحنا شابيبة وكدعان ... شوباكي عم تحتدي
في عندك أربع حيطان ... وعدي إزا فيكي تعدي
نقيلك منن شي حيط ... ينفعك وقت الشدة
:
:
يتبع

القصيدة الرابعة

القصيدة الخامسة


ما بهزك موشي التوتي ... ما بحبك لو بتموتي
أنا واحد مو أهبل ... على قلبي ما بتفوتي

شو ماعملتي ما بحن ... ما بتنازل ما بجن
لو شكلك كلو فن ... وحكياتك صارو فروتي

على حبك ماني سائل ... على دربك ماني نازل
حوا بالحب تجادل ... آدم حبو بيتوتي

بعرفها كل فصولك ... حافظها كل فنونك
ما بقبل صير مجنونك ... لو بتطقي وبتموتي
:
:
يتبع